សេវាកម្មពន្ធដារ
សេវាកម្មចុះបញ្ជីគណនេយ្យ
សេវាកម្មបណ្តុះបណ្តាល
សេវាកម្មចុះបញ្ជីក្រុមហ៊ុន និងពាណិជ្ជកម្ម
សេវាកម្មពន្ធដារ
បញ្ហាពន្ធដារជារឿងដែលប៉ះពាល់ដល់មនុស្សគ្រប់គ្នានៅក្នុងវិស័យអាជីវកម្ម ការវិនិយោគ និងការងារ។ ប្រព័ន្ធច្បាប់បច្ចុប្បន្នដែលមានលក្ខណៈស្មុគស្មាញ កត្តាបម្រែបម្រួលនៃបរិយាកាសអាជីវកម្ម និងការផាកពិន័យទៅលើការមិនអនុវត្តតាមច្បាប់ មានន័យថា អតិថិជនត្រូវការអ្នកមានជំនាញផ្នែកពន្ធ ដើម្បីផ្តល់ការប្រឹក្សាត្រឹមត្រូវនិងច្បាស់លាស់។ ការប្រឹក្សាត្រឹមត្រូវអំពីពន្ធដារ បទពិសោធន៍អំពីពន្ធដារ និងចំណេះដឹងបច្ចេកទេសរបស់អ្នកជំនាញប្រឹក្សាផ្នែកពន្ធ គឺមិនអាចខ្វះបាន។
ក្រុមហ៊ុន ហាន ថុង អិុនវេសមេន នឹងជួយលោកអ្នកស្វែងរកវិធីសាស្រ្តកាត់បន្ថយបំណុលពន្ធរបស់លោកអ្នក ហើយបន្ថែមគុណតម្លៃដល់អាជីវកម្មរបស់លោកអ្នក។
ធនធានមនុស្សរបស់យើងខ្ញុំ ដែលមានជំនាញឯកទេសនិងបទពិសោធន៍ផ្នែកឧស្សាហកម្មជាក់ស្តែង និងវិធីសាស្រ្តប្រឹក្សារបស់យើងខ្ញុំ នឹងធ្វើឲ្យសេវាកម្មរបស់យើងខ្ញុំខុសប្លែកពីភ្នាក់ងារផ្តល់សេវាកម្មផ្សេងទៀត។
រាល់បញ្ហាពន្ធណាមួយដែលលោកអ្នកប្រឈមមុខ យើងមានអ្នកជំនាញចាំជួយលោកអ្នក។ យើងខ្ញុំនឹងជួយលោកអ្នកកំណត់និងគ្រប់គ្រងហានិភ័យពន្ធ មុនពេលមានបញ្ហានៃការផាកពិន័យពន្ធ បង្កើនចំណេះដឹងផ្នែកពន្ធដាររបស់លោកអ្នក កាត់បន្ថយផលប៉ះពាល់នៃពន្ធដាររបស់លោកអ្នក ហើយជួយលោកអ្នករៀបចំផែនការផ្នែកពន្ធដារសម្រាប់បច្ចុប្បន្ន និងអនាគត។
យើងខ្ញុំមានភ្នាក់ងារផ្តល់ប្រឹក្សាពន្ធជាច្រើននាក់ដែលមានជំនាញផ្នែកពន្ធដារច្បាស់លាស់។ នៅពេលដែលយើងនិយាយ លោកអ្នកនឹងយល់ពីភាសារបស់យើងខ្ញុំ ដោយសារតែយើងខ្ញុំផ្តល់ការប្រឹក្សានៅក្នុងល័ក្ខខ័ណ្ឌដែលលោកអ្នកអាចយល់បានយ៉ាងងាយស្រួល។ ជាទូទៅ លោកអ្នកនឹងទទួលបានអត្ថប្រយោជន៍ពីដំណោះស្រាយចំពោះបញ្ហាពន្ធដោយចំគោលដៅ និងជាក់ស្តែង។
សេវាកម្មពន្ធដាររបស់យើងខ្ញុំរួមមាន៖
- ពន្ធលើប្រាក់ចំណេញ
- ប្រាក់រំដោះពន្ធលើប្រាក់ចំណេញ
- ពន្ធកាត់ទុកទូទៅ
- អាករលើតម្លៃបន្ថែម
- ពន្ធលើប្រាក់បៀវត្ស និងពន្ធលើអត្ថប្រយោជន៍បន្ថែម
- អាករពិសេសលើទំនិញ និងសេវាកម្មមួយចំនួន
- អាករបំភ្លឺសាធារណៈ
- អាករលើការស្នាក់នៅ
- ពន្ធលើអចលនទ្រព្យ
- ពន្ធប្រថាប់ត្រា
- ពន្ធប៉ាតង់
- សេវាកម្មពិនិត្យការអនុវត្តតាមច្បាប់ពន្ធដារ
- សេវាកម្មប្រឹក្សាពន្ធ
- សេវាកម្មធ្វើផែនការពន្ធ
- សេវាកម្មគាំទ្រសម្រាប់សវនកម្មពន្ធដារ
- សេវាកម្មជួយអតិថិជនឆ្លើយតបនឹងសំណួរ ដែលលើកឡើងដោយមន្ត្រីពន្ធដារ